Bhaktimartanda p49.2

p49.2

nāyamātmā pravacanena labhyo na medhayā na bahunā śrutena yamevaiṣa vṛṇute tena labhya iti, anyatra dharmādanyatrādharmādanyatrāsmāt kṛtākṛtāt | anyatra bhūtācca bhavyācca yattat paśyasi tadvadetyādiśrutibhiḥ, na rodhayati māṃ yogo na sāṃkhyaṃ dharma uddhava na svādhyāyastapastyāgo neṣṭāpūrtta na dakṣiṇā || vratāni yajñāśchandāṃsi tīrthāni niyamā yamāḥ | yathā'varundhe satsaṅgaḥ sarvasaṅgāpaho hi mām || satsaṅgena hi daiteyā yātudhānāḥ khagā mṛgā ityākramya, te nādhītaśrutigaṇā nopāsitamahattamāḥ ☸ apratāpsatatapasaḥ satsaṅgānmāmupāgatā iti smṛtibhiśca kevalasnehasya dharmādirahitasyaiva sādhanatvāt svaprāptikathanasya virodhaḥ | kiñca, yanna yogena sāṃkhyena dānavratatapo'dhvaraiḥ ☸ vyākhyāsvādhyāyasaṃnyāsaiḥ prāpnuyād yatnavānapīti sādhanarahitamāptasvarūpasyetarasādhanāprāpyatvamuktam | tadvirodha iti | maivam | mārgabhedenādoṣāt | taduktaṃ, gaterarthavattvamubhayathā'nyathā hi virodha adhikaraṇe | arthastu gaterjñātasya arthavattvam ubhayathā maryādāpuṣṭibhedena | śrutisādhyasādhanasādhyaktirmaryādābhaktiḥ | tadrahitānāṃ bhagavadanugrahaikamāpyapuṣṭibhaktiḥ | tathāca sādhanabodhakāni vākyāni maryādābhaktiparāṇi | niḥsādhanānāṃ bhaktibodhakāni puṣṭibhaktiparāṇītyavirodhaḥ | anyathā maryādāpuṣṭibhedena vyavasthā'kathane virodhastasmāt | idameva sahakāryantarādhikaraṇe'pyuktam | tathāhi | nanu, yameveti śrutiḥ sādhanāntarapūrvakaṃ varaṇasyaiva sādhanatvamāha |