Bhaktimartanda p56.2

p56.2

kintu, sa vai na devāsuramartyatiryaṅ na strī na ṣaṇḍho na pumān jantuḥ nā'yaṃ guṇaḥ karma na sanna cāsanniṣedhaśeṣo jayatādaśeṣa ityādiṣu purāṇasthopabṛṃhaṇeṣu niṣedhaśeṣatvakathanāttadanurodhenā'tra prasajyapratiṣedhasyaivāṅgīkāryatvād yuktā virodhābhāvacinteti | nanvevaṃ sati śrutyuktāṇutvādīnāmapi niṣedhānnātra jaḍajīvadharmamātraniṣedha iti siddham | tathāca virodhaḥ svāśrayaṃ bhetsyatīti dharmāḥ sopādhika eva paryavasāsyantīticet | brahma śrutyekasamadhigamyam | tatra ce, tadejati tannaijati tad dūre tadvantike, āsīno dūraṃ vrajati śayāno yāti sarvataḥ, aṇoraṇīyān mahato mahīyān, viśvataścakṣuḥ, acakṣuṣkamaśrotramityādibhirviruddhanānādharmā ekasminneva brahmaṇi pratipādyanta iti tathaiva mantavyam | nacāpatrādārthaṃ dharmāropaḥ śakyavacana| vinigamakā'bhāvāt | apodyānāmaviroghe virodhe vā viśeṣābhāvāt sūtreṣu saviśeṣanirviśeṣaśrutīnāṃparasparāvirodhacintanasyāprayojanatvāpātādato virodha eva nāsti | dharmigrāhakamānasiddhatvāt | antaryāmibrāhmaṇe, 'yaḥ pṛthivyāṃ tiṣṭhan yaḥ pṛthavīmantara ityādibhistadantaḥsthitatvatadantarvyāpakatvayorvaiśvānaravidyāyāṃ prādeśamātratvā'bhivimānatvayoḥ śrāvaṇāccāna hi virodha ubhayaṃ bhavatparigaṇitaguṇagaṇa īśvare'navagāhyamāhātmye'rvācīnavitarkavicārapramāṇābhāsakutarkaśāstrakalilāntaḥkaraṇaduravagrahavādināṃ vivādānavasara iti śrībhāgavataṣaṣṭhaskandhavākyācca lokaviruddhayorapyekaikapratiyogikanimitatvopādānatvayorekasminneva śabale śrutibalena bhavadbhyūpagamācca | kiñcāsthūlādiśrutayo laukikadharmāneva niṣedhanti |