Bhaktimartanda p56.3

p56.3

na tvalaukikān | aṇoraṇīyānityādiśrutibhiralaukikāṇutvādidarśanena tathāvadhāraṇāt | yaḥ sarvajñaḥ sarvaśaktiḥ, yato vā imāni bhūtāni jāyante, sarvasya vaśī sarvasyeśānaḥ, eko vaśī sarvagaḥ kṛṣṇa īḍyaḥ | viśvataścakṣuruta viśvato mukhaḥ, sarvakāmaḥ sarvagandhaityādiśrutyuktā alaukikā nityā dharmāḥ paramātmani virājanta eva | prākṛtadharmāṇāmeva vede niṣedhaḥ | sarvathā nirdharmakatvaṃ norarīkāryam | tathā sati vyāpakatvasyāpyanaṅgīkārāpattyā brahmatvasyaiva hāniḥ | bṛhattvād bṛṃhaṇatvācca brahmeti śrutivyākopāt| naca vyāpakatvaṃ svarūpānatiriktaḥ dharma iyastu tadaṅgīkāra iti vācyam | dharmatvavyāhateḥ | prakāśāśrayanyāyena vyāpakatvasvīkāre tu tayaiva saraṇyā kartṛtvādīnapyaṅgīkurvantu | naca kartṛtvasya kāryasāpekṣatayā samakakṣatvādato niṣedhānāṃ viśeṣaparatvaṃ na sāmānyaparateti dhyeyam | dehendriyāsuhīnānāṃ vaikuṇṭhapuravāsināmiti saptamaskandhavākye laukikadehendriyādīnāṃ niṣedhena niṣedhasya viśeṣaparatāyā vyāsacaraṇaiḥ pradarśitatvācca | na hīha vākye sāmānyaniṣedha evāstīti vācyam | sarve caturbāhavaunmiṣanmaṇipravekaniṣkāprākṛtadharmābhāvasya mithyātvāṅgīkāre na kiñcid bādhakam | na ca prākṛtadharmāṇāmaprāptatayā tanniṣedho'nupapannaḥ | lokapratītatvena prāptatvāt | asanneva sa bhavatītyādiśrutau lokapratītasyaiva brahmāsattvavedanasya nindāmukhena niṣedhāt | ata eva, ānando ajaro amṛtaḥ, anāmāgodhramajaramabhayamamṛtamityādiśrutau lokapratītajarāderbrahmaṇi niṣedhaḥ | na tu śrutyantaraprāptasya | na hi kā'pi śrutirbrahmaṇi jarāṃ vidhatte |