Bhaktimartanda p57.2

p57.2

adbhutatvādavācyatā manaḥsahabhāvoktervedasyāpauruṣeyatve īśvaraniḥśvāsatve vā manaḥsahabhāvābhāvāt | dṛsīriva tvaṃ manaso'sīti śrutyā laukikavāca eva tathātvakathanāt | anṛtaṃ vai vācā vadati anṛtaṃ manasā dhyāyatītyādāvapi tathā darśanāt | aniruktaśrutivirodhācca | idamityatayā kathitasya niruktapadārthatvena tadbhinnasyāviruddhatvāt sarvathā niruktatvasya tenaiva nirāsāt | tarkājñeyameva ca | anantaguṇapūrṇatvādityūce paiṅgināṃ śrutiḥ ✻ avācyamiti loko'pi vacyāścaryatapaṃ munītyukteścetyāhuḥ | tasmānna kathamapi sopādhikatvasiddhirityanicchatā'pi viruddhadharmāśrayatvamaṅgīkāryam|| prakṛtamanusarāmaḥ|| syādetat | astu viruddhadharmāśrayattvam | tathāpi dharmāṇām'nityatvānnirguṇeṣu paryavasitamiti | naitat | parāsya śaktirvividhaiva śrūyate svābhāvikī jñānabalakriyā ceti śrutau śakteḥ paratvena viśeṣaṇāt | kiñca, śabdānityatā mīmāṃsakādimatasiddhā | sā siddhānte'pi strīkṛtā | śabdārthayośca nityasambandhāt kathaṃ tadarthadharmāṇāmanityatā | taduktam, autpattikastu śabdasyārthena sambandha iti sūtre- autpattika iti nityaṃ brūma iti, śābarasvāmibhiḥ | nanu pratiyogisāpekṣatanirapekṣabhedena karma dvividham | tatra dvitīyaṃ, tadejati tannaijatītyādiśrutisiddhatvādastu | prathamaṃ tu kathaṃ bhavediticenna | naca tanmate ākṛtyadhikaraṇe jātau śaktisvīkārād dharmānityatve'pyakṣatirirati śaṅkyam | śabda iti cennā'taḥ prabhavāt pratyakṣānumānābhyāmiti sūtre vyāsapādaiḥ vaidikyāṃ nityāyāmeva vyaktau sambandhasvīkārādākṛtau sambandhasya lakṣaṇādoṣagrastatvāt |