Bhaktimartanda p57.3

p57.3

līlātatsambandhinonityatāyāṃ hi bādhakaṃ bhavad yathāsambhavaṃ kartturanityatvaṃ vā bhavet 1 svarūpataḥ sambandhyanityatvaṃ vā 2 pramāṇābhāvo vā 3 pramāṇatātparyābhāvo vā 4 tasya tātparyāntaraṃ vā 5 gauṇaḥ prayogo vā 6 utpattimattvaṃ vā 7 kramikattvaṃ vā 8 ananubhavo vā 9 tannityatābhāvane upāsake'parādhaprasaktirvā 10 teṣvapramādo vā 11 idānīmidamisākārako līlāsthānāmavatārakālīnānāṃ vā kādācitkatvenā'nubhavo vā 12 pramāṇadaurbalyaṃ vā 13 adhiṣṭhānadhvaṃsaprayuktā līlāsambandhyanityatā vā 14 sādhāraṇajanadṛśyatvaṃ vā 15 laukikatvaṃ vā 16 bhagavadbhinnatvaṃ vā 17 bhṛtārthakaṃprayogo vā 18 tathā'nubhavo vā 19 bhaviṣyadarśakaḥ prayogo vā 20 bhaviṣyattvānubhavo vā 21 janyabhāvattvena naśvarattvena vyāptirvā 22 karmasvabhāvamaryādā vā 23 prasaṅgasādho vā 24 laukikeṣvapi bhaktānāṃ līlāsambandhitvena buddhirvā 25. nāśapratiyogitvaṃ vā 26 pramāṇayoritaretaraviro dho vā 27 līlāsthānāṃ nāśānubhavādirveti 28 || tatra nādyāttrayaḥ | jayati jananivāso devakījanmavādo yaduvarapariṣatsvairdorbhirasyannadharmam sthiracaravṛjinaghnaḥ susmitaśrīmukhena vrajapuravanitānāṃ varddhayan kāmadevamiti vākye bhinnakālānāmapi dvārakāgokulamathurādhikaraṇānāṃ bhāvaṃ nirūpayanneva śrīśukastatra tatra līlānāmapi tathātvaṃ bodhayitumekakālīnatvavācakaśatṛpratyayāntapade prayuktavān-asyanniti varddhayanniti ca | tathāca kathanasamaye'tītatvena pratītānāmapi līlānāṃ tadā vartamānatvaṃ pratīyate | tacca nityatāyāmeva ghaṭate, nānyathā | na turīyaḥ |