Shrutirahasya 4.1.37

4.1.37

'paramāpadamāpanne harṣe vā samupasthite | sūtake mṛtake vāpi na tyājyaṃ dvādaśīvrata' miti śravaṇātkathañcidapi na tyājyam | skandapurāṇepi 'mātṛhā pitṛhā caiva bhrātṛhā guruhā tathā | ekādaśyāṃ tu yo bhuṅkte pakṣayorubhayorapi' | tathā 'varaṃ svamātṛgamanaṃ varaṃ gomāṃsabhakṣaṇam | varaṃ hatyā
surāpānaṃ naikādaśyāṃ tu bhojana' mityācakaraṇapratyavāyavidhāyakavākyairekādaśyā nityatvapratipādanānna tadvrataparityāgaḥ | yattu 'sikthe sikthe'śvamedhasye'ti vacanena prasādabhakṣaṇe phalaśravaṇādvaiṣṇavetareṇaikādaśīvrataṃ kāryamiti, tanmandam | vaiṣṇavāvaiṣṇavabhedenāruṇodayasūryodayavedhaniṣedhakavākyasatvādvaiṣṇavairavaśyaṃ kāryamekādaśīvratam 'daśamīśeṣasaṃyukto yadi syādaruṇodayaḥ | vaiṣṇavairnatu karttavyaṃ
taddinaikādaśīvrata' miti | tathā 'paramāpadamāpanno harṣe vā samupasthite | naikādaśīṃ tyajedvidvānyasya
dīkṣāsti vaiṣṇavī' iti | nacobhābhyāṃ bhagavanniveditānnaparityāgapūrvaṃ bhagavadvratamupoṣaṇīyam | nanu
'anarcayitvā govinda' mityanenānarcane pratyavāyaśravaṇāt niveditabhakṣaṇasya tadaṅgatvotsāṅgasya
vaidikakarmaṇaḥ phalāvaśyaṃbhāvaniyamānnivedanasyāvaśyaṃbhāvitvāttadbhakṣaṇe kṛtāvajñatya na mokṣādiriti
cenna | 'yajatiṣu ye yajāmahe nānuyāje' ṣṭityatra paryudāsavidhinānuyājavyatiriktāyāgeṣvivātrāpyekādaśyatiriktānyadineṣu bhagavanniveditānnabhakṣaṇavidhiḥ pratisikthāśvamedhaphaladastadatirekaphaladaśca bhavati