Shrutirahasya 4.1.39

4.1.39

prabhuñjānaḥ prāyaścittī bhavennara’ iti | yatsvāhārthaṃ sampāditaṃ tatsvayamanivedya bhuktaṃ ceddopamāpnoti
kṛtaniveditabhojanastu phalamāpnoti ‘sikthe sikthe'śvamedhasya phalaṃ prāpnoti mānava’ iti vacanāt
‘ambarīṣa navaṃ vastraṃ phalamannarasādikam | kṛtvā kṛṣṇopabhogyaṃ hi sadā sevyaṃ hi vaiṣṇavai’ riti
brahmāṇḍavacanāt sarvaṃ samarpyaiva grāhyam | ‘asamarpitavastūnāṃ tasmādvarjanamācare’ diti śrīmadācāryacaraṇairuktam | kiñca vaiṣṇavasya bhagavaddāsatvāt tasya ca bhagavatsevaiva dharmastamakṛtvā yo
bhuṅkte tasya śvānaviṣṭhāsamabhojanapratipādanāt | taduktam ‘anarcayitvā govindaṃ yairbhuktaṃ dharmavarjitaiḥ | śvānaviṣṭhāsamaṃ cānnaṃ nīraṃ ca surayā sama ’ miti kaurme vidhānāt sarvathā harisevanamakṛtvā na bhoktavyam | yo hi sati sāmarthye bhṛtyādidvārā nirvāhya svayamakṛtvā kārayitvā
vaiṣṇavānasampūjya prasādādibhirasantoṣya kevalaṃ jihvālolupaḥ san bhuṅkte cettadā doṣeṇa
mahāpātakībhūtvā patatyeva | nanu ‘tvayopabhuktasraggandhe’ tyanenendriyalālanenāpi bhagavanmāyājaya
uktastatkathamiti cenna | mahadadhikāriṇo mahāpuruṣasya vacane dāsapadadānāt | tacca dāsyaṃ vinā
na ghaṭate | jihvālolupasya dāsatvābhāvāt
yattu sevanamakṛtvā bhojane doṣaśravaṇātsevanaṃ vidhāyāsamarpitabhojane na doṣa iti | tattaccham | ‘asamarpitaṃ tathā viṣṇoḥ śvamāṃsasadṛśaṃ bhavet | annaṃ viṣṭhāsamaṃ jñeyaṃ nīraṃ ca surayā