Nyayavinishcaya v1.p8

v1.p8

sampādakīya
(prathama saṃskaraṇa, 1646 se)
san 1633 se hī jaba maiṃne ‘nyāyakumudacandra' kā sampādana ārambha kiyā thā, yaha saṃkalpa thā ki ke granthoṃ kā śuddha sampādana kiyā jāya| isa saṃkalpa ke anusāra akalaṅkagranthatraya meṃ 'nyāyaviniścaya' kī mūla kārikāem̐ bhī utthāna vākyoṃ ke sātha prakāśita kī jā cukī haiṃ| ina kārikāoṃ ko chām̐ṭate samaya 'nyāyaviniścayavivaraṇa' kī uttaraprāntīya katipaya pratiyām̐ dekhī gayī thīṃ| ye pratiyām̐ aśuddhibahula to thīṃ hīṃ, para inameṃ eka-eka do-do patra taka ke pāṭha yatra tatra chūṭe hue the| usa samaya mūḍabidrī ke vīravāṇī vilāsa bhavana se tāḍapatrīya prati bhī mam̐gāyī thī | usake dekhane se yaha āśā ho gayī thī ki isakā bhī śuddha sampādana ho sakatā hai | pramāṇavārtikālaṅkāra jaise pūrvapakṣīya bauddha granthoṃ kī pratiyām̐ prāpta ho jāne se yaha kārya asādhya nahīṃ rahā |
san 1644 meṃ dānavīra sāhu śāntiprasāda jī ne jñānapīṭha kī sthāpanā kī| isameṃ sva. māteśvarī mūrtidevī ke smaraṇārtha mūrtidevī jaina granthamālā prārambha kī gayī| saṃskṛta vibhāga meṃ 'nyāyaviniścayavivaraṇa' kā sampādana lagātāra calatā rahā hai| isake saṃśodhanārtha banārasa, ārā, solāpura, sarasāvā, mūḍhabidrī aura vāraṃga ke maṭha se cāra kammaja kī tathā do tāḍapatra kī pratiyām̐ ekatrita kī gayīṃ|
banārasa kī prati syādvāda jaina vidyālaya ke 'akalaṅka sarasvatī bhavana' kī hai| isakī saṃjñā ba. rakhī gayī hai| aśuddha para suvācya hai |
ārā kī prati 'jaina siddhānta bhavana' kī hai| isakī saṃjñā ā. rakhī hai| yaha banārasa kī prati kī taraha hī aśuddha hai| banārasa kī prati isī prati se likhī gayī hai|
solāpura se bra. sumati bāī śāha ne jo prati bhijavāyī thī vaha bambaī meṃ ailaka pannālāla di. jaina sarasvatī bhavana kī prati thī | yaha bhī aśuddhaprāya hai| isakī saṃjñā sa. hai|
se
sarasāvā se paṃ. paramānanda jī śāstrī ne vīra sevā mandira kī prati bhijavāyī thī | yaha pūrvokta pratiyoṃ kucha śuddha hai| isakī saṃjñā pa hai | ye pratiyām̐ kāgaja para likhī gayī haiṃ tathā inameṃ paṃktiyām̐ to aneka sthānoṃ para chūṭī hī haiṃ, eka-eka do-do patra taka ke pāṭha chūṭe haiṃ|
vīravāṇī vilāsa bhavana, mūḍabidrī se jo tāḍapatrīya prati kanar̤ī lipi meṃ prāpta huī thī, use hamane ādarśa prati mānā hai| isameṃ 277 patra, eka patra meṃ 6-10 paṃktiyām̐ tathā prati paṃkti 153-154. akṣara
haiṃ|
yaha prati prāyaḥ pūrṇa aura śuddha hai| mūla kārikāoṃ ke utthāna vākya ke āge isa prakāra kā kārikā bhedaka cihna banā huā hai| isa prati meṃ kahīṃ-kahīṃ ṭippaṇa bhī haiṃ, jinheṃ isa saṃskaraṇa meṃ 'tā. ṭi.' isa saṃketa ke sātha ṭippaṇa meṃ de diyā hai
jahām̐ isa prati meṃ bilakula hī aśuddha pāṭha rahā hai vahīṃ isakā pāṭha pāṭhāntara ṭippaṇa meṃ dekara anya pratiyoṃ kā pāṭha ūpara diyā hai| sabhī pratiyoṃ meṃ jahām̐ aśuddha pāṭha hai tathā sampādaka ko śuddha pāṭha sūjhā hai, aise sthāna meṃ tāḍapatrīya prati kā aśuddha pāṭha hī mūla meṃ rakhā hai tathā sampādaka dvārā kiyā gayā saṃśodhana gola brekiṭa ( ) meṃ diyā hai yā sandehātmaka cihna ( ? ) de diyā hai| hamane svasaṃśodhita pāṭha