Siddhivinishcaya 4.240
Siddhiviniścayaṭīkā 4.240
- Language
- Sanskrit
4.240
kiṃ ca, tadātmakatvena sarvasya jñānasya avabhāsane cārvākacarvitā sarvavipratipattiḥ iti kiṃ śāstrapraṇayanena ? nahi nīlādikaṃ paśyantaṃ prati tadupadeśaḥ arthavān . bhrāntivyavacchedārthaṃ taditi cet; na; bhrāntibuddherapi tadātmakatvena avabhāsane tadavastho doṣaḥ, tataḥ tato'bhinnasya svarūpasya bhinnasya grahaṇāt kinnāmābhrāntaṃ yat pratyakṣaṃ pramāṇaṃ syāt ? bhūtātmamātre abhrāntamiti cet; syādetadevaṃ yadi tanmātrasya kutaścitsattvaṃ pratīyeta, darśanasya tadadarśanena vyabhicārād, atrāpi bādhakasya durlabhatvāt .