Dvadasharanayacakra 1.126

Nyāyāgamānusāriṇī 1.126

Language: Sanskrit

1.126

atha pratijñaivābhyupagamaḥ . syānmatam--na hi padaprayogaviṣayo'bhyupagamo'sti, padārthābhāvāt, padārthasya utprekṣāviṣayatvād vākyārthādhigamopāyatvena uddhṛtya vākyārthād vyākhyeyatvāt . vākyameva śabdaḥ, tadartha eva ca śabdārthaḥ . tasmāt pratijñaivābhyupagamaḥ, tatsādhanārthatvāccheṣavākyāvayavavyāpārasya . kasmāt ? tasyā lokāprāmāṇyāt . tataḥ tasyāḥ pratijñāyāḥ hetubhūtāyāḥ, tadbalādityarthaḥ, lokāprāmāṇyāt lokasyāpramāṇatvasiddheḥ . nityaḥ śabdo'kṛtakatvādākāśavat iti nityatve siddhe tadbalād nityānityādyanekarūpaikavastupratipattirloko'pramāṇībhavatīti .

Previous: 1.125
Next: 1.127
Up: 1

Linked texts (1)

Dvādaśāranayacakra — Mallavādin, Sanskrit