Dvadasharanayacakra 1.129

Nyāyāgamānusāriṇī 1.129

Language: Sanskrit

1.129

lokavirodhastu prastuta eva . rūḍhivirodho lokavirodhaḥ, sa tu prastuta eva . tadavirodhe'pravṛtteḥ, tena lokena avirodhe śāstrāṇāmapravṛtteḥ, tasyā rūḍheḥ śabdaprayogādevābhyupagatāyā virodhamanupapādya śāstrāṇāmaviśeṣaviśeṣobhayānekatvaikāntapratipādanārthānāmapravṛtteḥ . kathamapravṛttiḥ ? tāni rūḍhamevārthamanubrūyuḥ, arūḍhaṃ vā vyutpādayeyuḥ ? yadi rūḍhamanuvadanti, vyarthāni . athārūḍhaṃ vyutpādayanti rūḍhivirodhinamartham, virudhyanta eva lokena niḥsaṃśayamiti sādhūcyate --tadavirodhe'pravṛtterlokavirodhaḥ prastuta eveti .

Previous: 1.128
Next: 1.130
Up: 1

Linked texts (1)

Dvādaśāranayacakra — Mallavādin, Sanskrit