Dvadasharanayacakra 1.133

Nyāyāgamānusāriṇī 1.133

Language: Sanskrit

1.133

cakṣurvijñānasamaṅgī nīlaṃ vijānāti no tu nīlam iti abhidharmāgamo'pīti viśvastameva laukikapratyakṣavilakṣaṇaṃ kalpyamānamacīkḷpaḥ, tavāgamo'pyevameveti darśayati . cakṣurvijñānasamaṅgī cakṣurvijñānasamanvayī santānaḥ, agi ragi lagi gatyarthāḥ pā॰ dhā॰, cakṣurvijñānaṃ samaṅgituṃ śīlamasyeti cakṣurvijñānasamaṅgī, evaṃ śrotrādivijñānasamaṅginaḥ . nīlaṃ vijānāti, rasādiviviktaṃ rūpaṃ svalakṣaṇaṃ vijānāti . no tu nīlam iti vijānāti, itiśabdasya śabdaparyāyatvāt idaṃ tad nīlam iti śabdanirdeśyaṃ na vijānāti, apaṭutvādindriyavijñānasya kutaḥ śaktirevaṃ kalpayitum .

Previous: 1.132
Next: 1.134
Up: 1

Linked texts (1)

Dvādaśāranayacakra — Mallavādin, Sanskrit