Dvadasharanayacakra 1.145

Nyāyāgamānusāriṇī 1.145

Language: Sanskrit

1.145

yadapīṣṭam--abhidhānato na vyapadeśyaṃ tannīlādiparamāṇurūpaṃ paramāṇusamūhābhedādekaṃ ceti, ete dve abhidhānāvyapadeśyataikātmakatve api ca naiva sto nīlarūpasya iti pratijñā . dṛṣṭānto'numitāgnivaditi pratipattisaukaryāt prāgeva hetordṛṣṭānta uktaḥ, tadbalāvayavasiddheḥ . hetusamarthanārthatvāt dṛṣṭāntasya hetustarhi ka ityatrocyate --bahuviṣayatvāt . yathā dhūmajñānānumito'gnirabādivinivṛttyupalakṣito deśakālādibhedabhinno'pi abhidhānavyapadeśyo'nekātmakatvāpanna eva gṛhyate tathā nīlārtho'pi syād bahuparamāṇuviṣayatvāt, tathā jñānamapīti .

Previous: 1.144
Next: 1.146
Up: 1

Linked texts (1)

Dvādaśāranayacakra — Mallavādin, Sanskrit