Dvadasharanayacakra 1.150

Nyāyāgamānusāriṇī 1.150

Language: Sanskrit

1.150

kathaṃ tanna ghaṭate ? tata āha --evaṃ te sañcayasyetyādi yāvat sañcitālambanakalpanāvaiyarthyāditi . evaṃ te udāharaṇatveṣṭau satyāṃ sañcayasya rūpamātratvāt, kiṃ bhavati ? sañcitālambanakalpanāvaiyarthyaṃ syādityabhisambhantsyate . rūpamātratvaṃ sañcayasya kuta iti tadgrahaṇe tatpratyakṣatvāt, yadgrahe yasya pratyakṣatvaṃ tat tāvanmātrameva dṛṣṭam, yathā dāhagrahe dāhapratyakṣatve dāhamātrameva nāto'nyo'rtha iṣṭa evaṃ sañcayagrahe nīlarūpamātrameva . ataḥ kim ? sañcitālambanakalpanāvaiyarthyam, sañcayābhāvāt . sañcayābhāvo rūpamātratvāt . sañcitālambanakalpanāvaiyarthyāccodāharaṇameva tu na ghaṭate cakṣurvijñānasamaṅgī ityādi .

Previous: 1.149
Next: 1.151
Up: 1

Linked texts (1)

Dvādaśāranayacakra — Mallavādin, Sanskrit