Dvadasharanayacakra 1.161

Nyāyāgamānusāriṇī 1.161

Language: Sanskrit

1.161

tataḥ kiṃ jātam ? śūnyaśūnyapratyutpādanāvadasadviṣayatvaṃ doṣajātamapi tasyāḥ kalpanāyāḥ . yathā śūnyaṃ śūnyena guṇitaṃ jātaṃ śūnyameveti yathā gaṇakānāṃ kvacit kalpanamasadviṣayaṃ śiṣyamatiparikarmārthaṃ tathedamasadviṣayam . tataśca asadviṣayatvānnirmūlakalpanāmātrasatyatā, nirbījā samudayakalpanā taddharmakalpanā ca, nirmūle dve api kalpane, te pramāṇamasya tanmātram, tanmātrameva satyam, nānyat kiñcit satyaṃ bhavatkalpite pratyakṣe . tasmānnirmūlakalpanāmātrasatyatvāllaukikeṣṭasatsalilādibījamṛgatṛṣṇikādikalpanābhyo'pi pāpīyasyau pratyakṣānumānakalpane yuṣmadīye .

Previous: 1.160
Next: 1.162
Up: 1

Linked texts (1)

Dvādaśāranayacakra — Mallavādin, Sanskrit