Dvadasharanayacakra 1.169

Nyāyāgamānusāriṇī 1.169

Language: Sanskrit

1.169

buddhavacanāsamañjasatvapratipādanaprasaṅgenedamapyupanyastam --yadapi ca buddhenoktamityādi yāvad dharmāṃścotpadyate manovijñānamiti . yadyanekena dravyeṇa jñānamutpādyate, sākṣād buddhenoktaṃ yadapi ca dvayaṃ pratītyetyādi virudhyata ityabhisambandhaḥ . ādhyātmikamāyatanaṃ bāhyaṃ ca dvayaṃ pratītya vijñānasyotpattirbhavati ityuktvā svayameva punaḥ pratipṛcchaya vyākaroti --katamaddvayaṃ pratītya ? cakṣuḥ pratītya rūpāṇi ca pratītya ityādi vibhajya vācyaṃ gatārthameva tat . dvayaṣaṭkād vijñānaṣaṭkamutpadyata iti pūrvapakṣaḥ . tathā cāha--

Previous: 1.168
Next: 1.170
Up: 1

Linked texts (1)

Dvādaśāranayacakra — Mallavādin, Sanskrit