Dvadasharanayacakra 1.174

Nyāyāgamānusāriṇī 1.174

Language: Sanskrit

1.174

atra caikarūpāyatanādhāratayetyādi . tvayāpi syādvādyabhyupagatānekātmakavastvekānekatvānekāntavādo'bhyupagata eva, yasmādanekaprakārabhinnamityādi yāvadanekavarṇasaṃsthānaṃ paśyata ityatra ca vākye ekameva rūpāyatanaṃ jñānādhāra itīṣṭam, yasmāt tadādhāratayā punaḥ tatra ityadhikaraṇavācipratyayāntena tatraśabdenānantaranirdiṣṭameva rūpāyatanamuktamavyatirekamabhedaṃ tasya vastuna āgṛhyoktam . tasyaivobhayarūpatā punardarśitā kadācidekena dravyeṇa kadācidanekena jñānamutpādyate iti bruvatā . rūpāyatanasyaivaikānekasaṅkhyānirdeśyatvamanabhyupagacchatā kathaṃ tatraśabdasāmānādhikaraṇyamāpādayituṃ śakyate ? yadi tadekamanekaṃ ca na syāt, tathā itarathā tatra ca rūpāyatane'nyatra veti syāt, na tu bhavati .

Previous: 1.173
Next: 1.175
Up: 1

Linked texts (1)

Dvādaśāranayacakra — Mallavādin, Sanskrit