Dvadasharanayacakra 1.207

Nyāyāgamānusāriṇī 1.207

Language: Sanskrit

1.207

kiñcānyat, tasmādeva hetoścakṣurādyapi vālambanaṃ syāt, evamayamatiprasaṅgadoṣa evaṃvādinaḥ . yadi kāraṇamālambanaṃ vijñānasyānyābhāsasyāpiṣṭaṃ tataścakṣurādīndriyāṇi cakṣurādivijñānānāmālambanāni syuḥ, anyathā vidyamānatve'nyābhāsasyāpi vijñānasya kāraṇībhavanāccakṣurindriyaṃ cakṣurvijñānasyālambanaṃ syād rūpādiparamāṇuvat . tajjñānaṃ vā cakṣurindriyālambanaṃ syāt, tajjanyatve satyanyābhāsatvāt, paramāṇujanyarūpavijñānavat . evaṃ śrotrādijñānāni . paramāṇvālambanatvamabhyupagamyāyaṃ doṣa uktaḥ .

Previous: 1.206
Next: 1.208
Up: 1

Linked texts (1)

Dvādaśāranayacakra — Mallavādin, Sanskrit