Dvadasharanayacakra 1.25

Nyāyāgamānusāriṇī 1.25

Language: Sanskrit

1.25

api ca --laukikavyavahāro'pītyādi yāvad vyāmohopanibandhanamiti . sātiśayabuddhibhirapi parīkṣakairniratiśayalokaprasiddhyanuvartibhiḥ parātmamataviśeṣapratipattinirākaraṇa-tattvapratipādane kārye, itarathā sākṣivirahitavyavahāravadaniyatārthaiva parīkṣā syāt . laukikāstu nityānityāvaktavyādyanekāntarūpameva ghaṭādikamarthamavyutpannā api pratipadya vyavaharanto dṛśyante . tadapahnavapravṛttayaścaikāntavādāḥ nitya eva, anitya eva, avaktavya eva ghaṭaḥ ityādayaḥ . tatra śeṣaśāsaneṣu sādhvidaṃ sādhu tvidam iti vicāro vyāmohasyaiva nibandhanaṃ heturityarthaḥ, vicārānavakāśād visaṃvādācca .

Previous: 1.24
Next: 1.26
Up: 1

Linked texts (1)

Dvādaśāranayacakra — Mallavādin, Sanskrit