Dvadasharanayacakra 1.70

Nyāyāgamānusāriṇī 1.70

Language: Sanskrit

1.70

athocyeta pareṇa--yadi sambandhadeśasamavasthānādarthānāṃ viśeṣo na bhavati, ekakālasahāvasthānādarthānāṃ viśeṣo bhaviṣyati, yasmādavatiṣṭhate hi kiñcit kañcit kālam, yathā pūrvāparasthitaghaṭapaṭāviti . nanu viśeṣakāraṇamatra vaktuṃ prāptam, idaṃ tu sāmānyakāraṇameva āśaṅkitamiti . atrocyate— sāmānyadvāreṇa viśeṣaḥ siddhyatīti tadasiddhidvāreṇa viśeṣāsiddhiriti sarvatra grāhyam . atrāpyācārya uttaramāha --evamapi tathābhūtasāmānyābhyupagamādaviśeṣatvameva . parābhyupagama eva uttaratvamāpadyate, ekakālāvasthāne kālasāmānyābhyupagamād deśasambandhasāmānyābhyupagamavadupāttatyāgo'kasmāt tulyatvādityaviśeṣatvameva .

Previous: 1.69
Next: 1.71
Up: 1

Linked texts (1)

Dvādaśāranayacakra — Mallavādin, Sanskrit