Dvadasharanayacakra 1.77

Nyāyāgamānusāriṇī 1.77

Language: Sanskrit

1.77

atrāha saṃsargavādī--yadi ātmaiva sāmānyam, ātmaiva viśeṣaḥ iti brūyāṃ sāṅkhya-bauddhavat syurete doṣā mamāpi . na punarahamevaṃpakṣaḥ . mama tu sāmānyaviśeṣau dravyaguṇakarmabhyo'rthebhyo'tyantabhinnau, nāgṛhītaviśeṣaṇā viśeṣye buddhirastīti sattvābhisambandhāt sat, dravyatvābhisambandhād dravyam ityādisāmānyaviśeṣavādinaḥ kathaṃ svaviṣayasāmānyaviśeṣapakṣadoṣāḥ ? iti . atrāpi paraviṣayasāmānyaviśeṣavādipratyākhyānāt kā gatiḥ ? ityalaṃ prasaṅgena .

Previous: 1.76
Next: 1.78
Up: 1

Linked texts (1)

Dvādaśāranayacakra — Mallavādin, Sanskrit