Dvadasharanayacakra 1.87

Nyāyāgamānusāriṇī 1.87

Language: Sanskrit

1.87

tathā nyagrodhaphalam . tena prakāreṇa tathā, yathā prāguktasadasattvāniyamāttu kāraṇe kāryasya kāraṇatāyāmeva karaṇākaraṇe tathā kāryakaraṇākaraṇāniyamāttu kāraṇasya kāryasya kāryatvāniyamaḥ . vaṭanyagrodhodumbarādiphalānāṃ phalatvāt puṣpakāryatvānumānaprasaṅge phalamasatkāraṇaṃ dṛṣṭamiti pūrvavad vyabhicāraḥ . āmrapuṣpaphale satkāryakāraṇe dṛṣṭe ityatrāpi kādācitkayoreva kāryakāraṇayordarśanāt kāryakāraṇasadasatkaraṇākaraṇāniyamameva darśayati .

Previous: 1.86
Next: 1.88
Up: 1

Linked texts (1)

Dvādaśāranayacakra — Mallavādin, Sanskrit