Dvadasharanayacakra 1.97

Nyāyāgamānusāriṇī 1.97

Language: Sanskrit

1.97

athavā ātmāntaratvaprakāśanamiti ātmā puruṣaḥ, ātmano'nya ātmā ātmāntaram, tasya bhāva ātmāntaratvaṃ puruṣādbhinnaṃ triguṇasvabhāvaṃ svamātmānaṃ pradhānaṃ puruṣāya prakāśayati . puruṣādvānyaḥ puruṣa ātmāntaram, tasya bhāva ātmāntaratvaṃ puruṣāntaratvam, tasmai puruṣāya prakāśya ātmasvarūpaṃ puruṣāntarāṇāṃ prakāśayati, puruṣāntaratvaṃ vā caitanyasvarūpamadhyasthaśuddhakevalatvaiḥ parasparabhinnaiḥ puruṣāntarasthaiḥ puruṣāntareṣu prakāśiteṣvapi anyeṣāṃ puruṣāṇāṃ yat puruṣāntaratvaṃ taireva caitanyādibhiryuktaṃ prakāśayati . prakṛtervā svayamacetanāyā ācaitanyasvarūpasya prakāśanam . ayaṃ hi dharmastasya jñānārthasya svatantrasya apratihatasarvagatatvasya pradhānasya .

Previous: 1.96
Next: 1.98
Up: 1

Linked texts (1)

Dvādaśāranayacakra — Mallavādin, Sanskrit