Dvadasharanayacakra 2.34

Nyāyāgamānusāriṇī 2.34

Language: Sanskrit

2.34

kiñcānyat--agnihotraṃ havanaṃ kuryāt ityasminnevānantarokte'rthe doṣāntaraṃ brūmaḥ --tvadabhiprāyavadityādi . tvadabhiprāyeṇa tulyaṃ tvadabhiprāya iva tvadabhiprāyavat, yathā tvadabhiprete agnihotraṃ havanaṃ kuryāt ityetasminnarthe havanānuvādena viśiṣṭe'gnihotre'bhyupagamyamāne'gnihotrasya tvadiṣṭasya karmaṇaḥ sāṅkhyādiparaparikalpitātmādivastutattvasyālaukikasyāprasiddhasya durjñānatvavadalaukikatvādaprasiddhasvarūpatvād durjñānatvam, avijñātasya ca karaṇāsiddhiḥ, sā havanakriyā na sidhyatītyarthaḥ .

Previous: 2.33
Next: 2.35
Up: 2

Linked texts (1)

Dvādaśāranayacakra — Mallavādin, Sanskrit