Dvadasharanayacakra 2.41

2.41

atrocyate--tanna, bhajanārthasevājñātatve tāsāṃ sevārthatvāt, atrāpi dṛṣṭāntadārṣṭāntikayorvaiṣamyādityabhisambandhaḥ . taddarśayati--bhajanaṃ bhaktiḥ, saivārthaḥ sevāyā iti bhajanārthā sevā, tasyāḥ sevāyā jñātatve tāsāṃ tadavayavābhimatānāmupasthānāñjalikaraṇādīnāṃ sevārthatvāt, ajñātatve tadarthāpratipādanāt, jñātā eva hi tāḥ sevā iti pratipattiṃ janayanti, nānyathā . na tvevamagnihotrāvayavakriyā jñātāḥ, tasmādvaiṣamyam . avaśyaṃ caitadevam, itarathā pratikriyaṃ pṛthaktvāpatteḥ, yathā kṛṣisevayoḥ parasparaṃ tadaṅgakriyāṇāṃ ca pṛthaktvaṃ tadaṅgatvenājñātatvādevamagnihotrasya tadaṅgakriyāṇāṃ ca syāt, na tu bhavati tadaṅgabhāvenājñātatvādagniṣṭomādīnāmiti .