Dvadasharanayacakra 2.63

Nyāyāgamānusāriṇī 2.63

Language: Sanskrit

2.63

agnihotrobhayakaraṇārthatayorapi juhotityāgādyāpatteḥ,agnihotraṃ kuryāt, agnihotraṃ havanaṃ kuryāt ityetayorapi vikalpayostulyottaratvāt, ubhayārthavikalpasya agnihotraṃ kuryāt, havanaṃ kuryāt ityetayoḥ pakṣayoruktadoṣaduṣṭatvāt samānottaratvāditi . atrāpi atha punarevamanirvahati ityādigrantho yojyaḥ saprapañco yāvat tvadabhiprāyavattu havanānuvādaviśiṣṭāgnihotrābhyupagame'pi cāgnihotrasyātmādivastutattvavadaprasiddhasvarūpatvāt karaṇāsiddhiḥ .

Previous: 2.62
Next: 2.64
Up: 2

Linked texts (1)

Dvādaśāranayacakra — Mallavādin, Sanskrit