Dvadasharanayacakra 3.108

Nyāyāgamānusāriṇī 3.108

Language: Sanskrit

3.108

atrocyate --na, uktatvāt, naiṣa ubhayāniścayo yujyate, asmābhiḥ bhinnātmakatāyāṃ tu ityādi prakramya sukhaṃ duḥkhādananyat anātmatve satyavaraṇādyātmakatvāt duḥkhasvātmavadityādibhiraikāntikairhetubhirananyatvasya likhitatvāt . athavā noktatvāditi tvatprayuktānāmanyatvahetūnāṃ laghutvādīnāmuktadoṣatvāt sarve' guṇeṣu sandrāvasya . viruddhāvyabhicāriṇi coktam--pratyakṣāgamabalīyastvāt tata eva niścayo'nviṣyatenveṣyate pra॰ samu॰ vṛ॰ iti . balīyastvaṃ cāsmaddhetūnāmādyahetubhāvanāt . pyete'prasiddhasādhyadharmasamanvayavyāvṛttayaḥ, anumānanirākṛtapakṣāḥ, anavadhāraṇe viparyayahetavaḥ, avadhāraṇe cāpakṣadharmā eveti . tasmādanaikāntikāḥ . teṣāṃ caikāntikā asmaduktā nivartakā eveti na tulyamāvayoḥ .

Previous: 3.107
Next: 3.109
Up: 3

Linked texts (1)

Dvādaśāranayacakra — Mallavādin, Sanskrit