Dvadasharanayacakra 3.109

3.109

itaścātulyamāvayoḥ --bhāvitatvācca guṇeṣu sadā sandrāvasya, bahudhā bhāvitaṃ hi sadā sattvādayo guṇāḥ sandrutā eva pradhānamahadahaṅkārādisarvāvasthāsu na jātu pṛthagbhūtasamavasthāśceti . kiñcānyat, viruddhāvyabhicāriṇi coktam, viruddhāvyabhicāriṇyapi na parasparanivāritavyāptitvamātrāt saṃśaya eva, kiṃ tarhi ? pratyakṣāgamabalīyastvāt tata eva niścayo'nviṣyatenveṣyate iti hyuktam, tayorviruddhāvyabhicāriṇoḥ pakṣadharmayoryaḥ pratyakṣīkṛtārthenāgamena balīyān pratyakṣasaṃvādinā pratyakṣeṇāgamena ca janitabalādvā pratyakṣeṇaivāgamenaiva vā yathāprasiddhi yo balīyāṃstata eva niścayo'nviṣyatanveṣyate ityādivyākhyāvikalpeṣu pratyakṣāgamena ghaṭādiṣu prasiddhasādhyānityatvānvayasya kṛtakatvahetorbalīyastvāt tato'nitya iti niścayaḥ syāt, na tu śrāvaṇatvasya śabdatve pratyakṣīkartuṃ śakyo'nvayaḥ śabdatvasyāprasiddhatvāditi, tadvat kimiha sādharmyamiti cet, ucyate --balīyastvaṃ mā maṃsthāstvadīyā hetavo balīyāṃsaḥ, asmatpakṣasādhanatvāyeto viparivartayituṃ śakyatvāt . tadyathā--sukhādanyad duḥkham, prasādādyanātmakatvāt, puruṣavat . mohaśca duḥkhādanyaḥ, tata eva, tadvat . mohādanye sukhaduḥkhe, varaṇādyanātmakatvāt, puruṣavat . kiṃ tvānmātrādeva viparivartanam ? trailakṣaṇyāt ? trailakṣaṇyāccet, ādilakṣaṇa- cāsmaddhetūnāmādyahetubhāvanāt, bhinnātmakatāyāṃ tu ityādi prakramya anātmatve sati avaraṇādyātmakatvādityādibhirādyahetubhiḥ pratyakṣāgamabalīyastvamāpāditam . tasmānna samaṃ nāviti .