Dvadasharanayacakra 3.124

Nyāyāgamānusāriṇī 3.124

Language: Sanskrit

3.124

itaśca asti śaktimadavasthāmātratvācchaktīnām . kāryakāraṇānāmadhiṣṭhitānāmanadhiṣṭhitānāṃ ca svakāryasamarthāstriṣu kāleṣu śaktayo'vatiṣṭhante . tadyathā--prāk pravṛtteḥ śaktyavasthānamanumīyate pravṛttyupalabdheḥ, pravṛttikāle'vasthānamapavargadarśanāt, pravṛttyuttarakālāvasthānaṃ pravṛttivyatirekeṇāvasthānadarśanāt . evamādyantavad vyaktamupalabhya vyaktaśaktyavasthāsti, anavasthitaśakterādyavasānābhāvāt khapuṣpavat, avasthitaśaktereva tadbhāvād mṛdaḥ piṇḍādibhāvavat . tasmād vyaktaśaktipravṛttyupalabdherasti pradhānamiti .

Previous: 3.123
Next: 3.125
Up: 3

Linked texts (1)

Dvādaśāranayacakra — Mallavādin, Sanskrit