Dvadasharanayacakra 3.135

Nyāyāgamānusāriṇī 3.135

Language: Sanskrit

3.135

dṛṣṭāntāntaramāha sphuṭīkaraṇārthaṃ vyāpitvapradarśanārthaṃ ca --sākṣādvā bhavitṛvat . tadvarṇanam --yathā ca sambhavanetyādi yāvad bhavati ca bhavati, na kevalaṃ pacatyādibāhyakriyāviṣayameva prayojyatvam, kiṃ tarhi ? vrīhyādibhavanādyantaḥkriyāviṣayamapi prayojanam . tathā bhavat pṛthivyudakādi bāhyaṃ vrīhirjāyate bhavatītyantarbhavanam . sambhavanadhāraṇasamarthā pṛthivī, rohaṇasamarthamudakam, ādigrahaṇād varddhanasamarthā vāyukālādayaḥ, taiḥ kāritasya vrīhibhavanasya pratyakṣatāyāmapi satyāṃ vrīhirjāyate bhavati antaḥsanniviṣṭasvātantryāt tasyaiveśvarasya prayojakatvāducyate --bhavati ca bhavatīti, bhavanamapi bhavadeva bhavatīti svarūpamātra- lābho'pi tadvaśādityarthaḥ .

Previous: 3.134
Next: 3.136
Up: 3

Linked texts (1)

Dvādaśāranayacakra — Mallavādin, Sanskrit