Dvadasharanayacakra 3.46

3.46

kiñcānyat, yadā ca sudūramapītyādi yāvat pariṇāmakatvāt . sudūramapi vicārādhvanā gatvā na prāgavṛtterasatkāryaparihāreṇa prakarṣaḥ pariṇāmavādādṛte, ataḥ pariṇāmaḥ prakarṣeṇa vṛtteḥ kāraṇameṣitavyam . yadā caivaṃ tadā pariṇāmābhyupagamena punarapyetadevāpannam--pariṇāmādātmanyeva vartate yuvatvavat, anyatra vṛttasya pariṇāmasyānyatrāpariṇāmakatvāt, jinadatte vṛttaḥ pariṇāmo na sādhudatte kaumārayauvanādi pravartayati kaumāraṃ vā yauvanaṃ vā, kiṃ tarhi ? jinadatta eva karoti, nānyatra vṛtto'nyadanyathā karoti yathā, tathā na sattve pravṛttiṃ kaścidanyaḥ kuryāt, svata eva pravarteteti .