Dvadasharanayacakra 3.51

Nyāyāgamānusāriṇī 3.51

Language: Sanskrit

3.51

evaṃ caikaiva vinidrāvasthāpuruṣatvavat pravṛttiḥ pradhānamiti tanmātrameva tat . evaṃ ca kṛtvā vinidrāvasthāyāḥ puruṣatvavat pravṛttereva pradhānatvamiti tanmātrameva tat pradhānaṃ pravṛttimātrameva . kiṃ kāraṇam ? pravṛttyāpattirūpanirūpyatvāt pravṛttisvātmavadityādi bhaṅgacakrāvartanamiti vinidrāvasthāpuruṣatvāpādanagranthamarthasādṛśyādatidiśati . tadyathā--yathā vinidrāvasthaikalakṣaṇa eva puruṣa ātyantikanidrāvigamana pravṛttisvātmaiva vā trīṇīti puruṣāvasthāvat . rūpanirūpyatvād vinidrāvasthāsvātmavaditi tathā pravṛttyekalakṣaṇameva pradhānaṃ pravṛttyāpattirūpanirūpyatvāt pravṛttisvātmavat, na hyasāvitarātmikā svavṛttityāgāpatteḥ . tanmātratve tu pradhānasyāpi tadvat prakāśādyanātmakatvādasarvagatatvam .

Previous: 3.50
Next: 3.52
Up: 3

Linked texts (1)

Dvādaśāranayacakra — Mallavādin, Sanskrit