Dvadasharanayacakra 3.58

Nyāyāgamānusāriṇī 3.58

Language: Sanskrit

3.58

guṇāstvanyatvānekatva eva pradhānam . avaśyamanye te tasmāt, tadrūpāpattyaniṣṭatvāt, guṇāntaravat . yato guṇasvātmatvamasya neṣyate . pradhānātideśāt tu punaḥ svaparaviṣayakṛtabhedadvārānabhyupagame kasyacit kathañcidapyanyasyānupapattau te'pyanyatvāpattivat pṛthak pṛthak pradhānam . atha pradhānalakṣaṇāpi pravṛttirna pradhānaṃ pradhānamapi tarhi na pradhānaṃ pradhānalakṣaṇatvāt pravṛttivat . evaṃ śeṣāvapīti pradhānābhāva eva, kuto'sya sarvagatatā ? tadabhāva eva tvayābhiprāya evaṃ pratipādyate tadātmatvābhimatanirasanāduṣṇatvanirasanenāgnyabhāvapratipādanavat .

Previous: 3.57
Next: 3.59
Up: 3

Linked texts (1)

Dvādaśāranayacakra — Mallavādin, Sanskrit