Dvadasharanayacakra 3.57

Nyāyāgamānusāriṇī 3.57

Language: Sanskrit

3.57

upavarṇanabhinnarūpavyatikarasaṅkarābhyāṃ tvevamatathātvameṣāmasya ca tattatsvātmatvāditi pradhānaguṇa evaṃ caikaikapūrvakavādāpattereva kimanekātmakaikakalpanayā ? saṅghātapārārthyādibhistasya cetanādanyatve sthitācetanatvaikatvapariṇāmitvavṛtti uktavat sthāpitātma- vyavasthā'bhāva eva . uktavadvā vyavasthānumatau pradhānātideśastyājyaḥ . tadatyāge yadarthamayamatideśo'dvaitaikāntārthastasyaivāsiddhiḥ, yat tadekameva sambhāvyate pradhānaṃ tasyāpyanekataivaivamāpadyate, yatsvarūpāvyatiriktalakṣaṇā guṇā vinā bhedenocyante tat pradhānamapi pradhānenābhivyāptatvādanavasthitaikatvatattvapratiṣṭhaṃ pradhānam ityatideśyaṃ syāt pradhānasvātmatvād guṇavat . pratyakṣārthedaṃviṣayatāyāṃ vā vyaktamūrtānityādirūpārthapradhānaparamārthatā .

Previous: 3.56
Next: 3.58
Up: 3

Linked texts (1)

Dvādaśāranayacakra — Mallavādin, Sanskrit