Dvadasharanayacakra 3.92

Nyāyāgamānusāriṇī 3.92

Language: Sanskrit

3.92

kathaṃ tarhyekameva prakāśapravṛttiniyamabhedapratyayavyapadeśabhāg bhavati ? ityatrocyate --ata eṣāmekapuruṣavṛttaśyāmāyatākṣapralambabāhutvavat, yathaikasmin puruṣe pravṛttāni tadavyatiriktāni śyāmatvamāyatākṣatvaṃ pralambabāhutvamityetāni bhinnānīva tadbhedapratyayavyapadeśabhāñji bhavanti tathaikavastvityādinopasaṃharati, ekasya vastunaḥ svatattvabhūtānāṃ tadabhidhānaprayojanānāṃ sattvarajastamasāṃ tatkāryāṇāṃ ca prakāśanapravṛttiniyamānāmavyatirekaikavṛttitā . iti parisamāptyarthaḥ, evaṃ tāvadetayā bhāvanayāpāditaikyānāṃ sattvādīnāṃ sattvasvātmatvenaiva kartṛkarmatvavṛttiruktā parasparasvarūpāpādanena bhedamabhyupagamya .

Previous: 3.91
Next: 3.93.1
Up: 3

Linked texts (1)

Dvādaśāranayacakra — Mallavādin, Sanskrit