Dvadasharanayacakra 3.99

3.99

kiñcānyat, svata evānumānanirākṛtasvapakṣapratyakṣīkaraṇārthāśca ete hetavaḥ iti vartate, asti pradhānaṃ bhedānāmanvayadarśanāt iti prakramya sukhaduḥkhamohānvitā ādhyātmikā bāhyāśca śabdādayaḥ kāryātmakāstrayāṇāmekakāryabhāvāt, tadārabdhāścākāśavāyvanalāmbhobhūmayo bhūtākhyāstairyagyonamānuṣadaivāni śarīrāṇīndriyāṇi ca tadātmakānidarthāni trayāṇāmekakāryabhāvāt sukhādyanvitānyeva candanaśakalādivat ityevamādyanumānasiddhaṃ traiguṇyam anyat sukhaṃ duḥkhamohābhyāṃ laghveva ca ityevamādipakṣaṃ nirākaroti tasya svapakṣasyānumānanirākṛtasyānyāviditasya sarvalokāpratyakṣasya sataḥ pratyakṣīkaraṇārthā ete hetavaḥ saṃvṛttā itītthamanumānaviruddhapratijñādoṣodbhāvanavakroktireṣā .