Dvadasharanayacakra 4.43

Nyāyāgamānusāriṇī 4.43

Language: Sanskrit

4.43

abhyupagamyāpi puruṣakāraṃ doṣaṃ brūmaḥ--sa nirhetukaḥ sahetuko vā syāt ? kiñcātaḥ ? sa ca puruṣakāro yadyahetuko muktānāmapi syād nayodyogalakṣaṇaḥ na ceṣṭasteṣām . atha mā bhūdeṣa doṣa iti saheturiti brūyāt tataḥ sahetuścet karmaṇa evācetanāt, śubhādapi puruṣakārāt sevādikādanarthāvāpteraśubhādapi prāṇātipātāderarthāvāpterdharmādharmaphalasaṅkarokteranumātuṃ śakyata etat abuddhipūrvakādacetanakarmavaśādevaitacchubhāśubhavaicitryam . kiṃ kāraṇam ? yuktikṣamahetvantarābhāvāt, vicāritaniṣiddhatvāt puruṣa-niyati-kālasvabhāvādihetvantarāṇāṃ nātrānyad vimardakṣamaṃ kāraṇamastyanyadato daivākhyāt karmaṇaḥ .

Previous: 4.42
Next: 4.44
Up: 4

Linked texts (1)

Dvādaśāranayacakra — Mallavādin, Sanskrit