Dvadasharanayacakra 4.76

Nyāyāgamānusāriṇī 4.76

Language: Sanskrit

4.76

katham om ityeṣo'nvayavyatirekarahitaḥ śabdārtho bhavitumarhatīti cet, ko brūte'nvayavyatirekarahita iti ? yasmādatrānuvṛttivyāvṛttī anantaroktapṛthivyādidhātuvikalpajñānasatyatvānuprabandhasāmarthyopahitarūpe, pṛthivyādidhātūnāmacetanābhimatānāṃ vikalpasatyānāṃ cetanakarmātmanokarmābhimatānāṃ ca jñānasatyasvarūpapuruṣatvena vānvitavyatiriktānām om iti karmātmaikyāpattyā tatsatyatvānuprabandhena śaktyupadhānaṃ nityamevetyanvayavyatirekavānevāyaṃ śabdārtha iti . te cānuvṛttivyāvṛttī yo yo bhāgo yathābhāgaṃ prasiddhimabhidhānābhidheyavyavahārātmikāṃ karma iti puruṣaḥ iti karmapuruṣakāra iti eka eva iti vā prasiddhiṃ gacchata iti .

Previous: 4.75
Next: 4.77
Up: 4

Linked texts (1)

Dvādaśāranayacakra — Mallavādin, Sanskrit