Dvadasharanayacakra 5.39

Nyāyāgamānusāriṇī 5.39

Language: Sanskrit

5.39

anayā cetyādi . etayāpi śabdārthagatibhāvanayāsmadvyākhyātayā loke dṛṣṭayā bhavanamevedamekarūpaṃ devadattabhedaṃ gatibhedaṃ sthitibhedaṃ dhṛtyadhṛtihasanakathanādibhedaṃ vā bhavati sarvatra vyakterbhavati . yasmāt tena tathā bhūyata iti, itiśabdahetvarthatvād yasmādekameva bhavanaṃ devadattadravyarūpaṃ gatisthityādikriyārūpaṃ ca bhavati, tenaiva tena tena rūpeṇa bhūyate, na bhavanaśūnyamanyat kiñcidasti, bhavanameva bhavatīti .

Previous: 5.38
Next: 5.40
Up: 5

Linked texts (1)

Dvādaśāranayacakra — Mallavādin, Sanskrit