Dvadasharanayacakra 5.48

Nyāyāgamānusāriṇī 5.48

Language: Sanskrit

5.48

gatyabhāvo'pravṛttirgatinivṛttiriti cet . syānmatam--nanvabhāvo gatergatinivṛttirapravṛttiḥ, tasmād gatyabhāvamātratvāt sthiterabhāvatvād nāsthānaṃ na sthānavadeva cākāśaṃ gaterevābhāvāditi . atrocyate --atha nirupākhyamevetyādi . upākhyā saṃjñā, nirgatopākhyaṃ nirupākhyaṃ tvatparikalpitagatyabhāvamātrasthānaṃ tat prāpnoti, abhāvatvāt . abhāvatvaṃ cāsyāpravṛttatvāt khapuṣpavat . ākāśādi ca pravṛttaṃ sthānavadasthānaṃ ceti vakṣyāmaḥ .

Previous: 5.47
Next: 5.49
Up: 5

Linked texts (1)

Dvādaśāranayacakra — Mallavādin, Sanskrit