Dvadasharanayacakra 5.47

Nyāyāgamānusāriṇī 5.47

Language: Sanskrit

5.47

abhyupagamyāpi agatyādihetusiddhimanaikāntikatvaṃ brūmaḥ --nanvagamanasthānaṃ cākāśam agacchadatiṣṭhacca vyoma bhavati astyeva . tatra kimagatyāditvādasat syāt khapuṣpavat ? utākāśavat sat syāt ? iti sandehahetuteti . syānmatam--agatyastu, kathamasthānamākāśam nityasthitatvāt ? tasmāt agatitvāt iti saṃśayahetutā syāt, asthānatvāt ityayukteti . atrocyate--asyāpyasthānatvameva, yasmāt paṭhyate ṣṭhā gatinivṛttau pā॰ dhā॰ 928, pravṛttāyā gateryā nivṛttiḥ pratibandhaḥ sā sthitirvakṣyamāṇavat . na cāsya pravṛttagaterākāśasya pratibandho jātu pragatadevadattagatinivartanavat . asthānam iti ca sthānādanyad gamanādi ucyate na sthānasyātyantābhāva eva, tasmādākāśamapyasthānagamanaṃ saccetyanaikāntikahetutā tadavasthaiva sādhanayoranayoriti .

Previous: 5.46
Next: 5.48
Up: 5

Linked texts (1)

Dvādaśāranayacakra — Mallavādin, Sanskrit