Dvadasharanayacakra 6.48

Nyāyāgamānusāriṇī 6.48

Language: Sanskrit

6.48

idānīṃ naigamanaya ubhayavidhirātmamatasvarūpaṃ vaktukāmaḥ paramataṃ prāgdūṣitaṃ pratyuccārayannitthamupasaṃharati — yat tad bhūyata ityādi . yat tad bhavati tena bhavatā yad bhūyate dravyeṇa tasya bhavanasāmānyaṃ kṣetrataḥ sarvagatatvaṃ kālato nityatvaṃ ca sarvātmakaṃ tasya utsarjanaṃ vidhānaṃ sa eva vidhiḥ prāguktaḥ, paścād dvitīyaḥ pravṛttyātmakabhūtābhūtabhedātmakastasyaivāpavādaḥ, tasya ca vidhānam ityeṣa ubhayavidhistvayeṣṭa eva na bhavati .

Previous: 6.47
Next: 6.49
Up: 6

Linked texts (1)

Dvādaśāranayacakra — Mallavādin, Sanskrit