Dvadasharanayacakra 6.49

Nyāyāgamānusāriṇī 6.49

Language: Sanskrit

6.49

kastarhīti cet, sattādravyatvādīti yāvad nityatvaṃ cotsarga iti . sattā mahāsāmānyam, dravyatvaṃ pṛthivyādiṣu sāmānyam, ādigrahaṇād guṇatvakarmatve ca rūpādigamanādiṣu ca sāmānyaviśeṣāstadbhedāḥ . gaganādīni ākāśātmadikkāladravyāṇi vibhaktasarvagatāni, dravyāṇāmeṣāṃ sarvavyāpitā sarvagatatvamaṇvādisahitanityatvaṃ ceti teṣāṃ dravyāṇāmaṇūnāṃ ca nityatvaṃ kālavyāpitā pārthivādicaturvidhāṇudravyāṇāṃ ceti . ādigrahaṇād manodravyasahitānāmiti vibhutvaparimaṇḍalatvādiguṇasahitānām, te ca guṇāstāni ca dravyāṇi nityānītyarthaḥ . eṣa utsargaḥ sāmānyavidhiḥ .

Previous: 6.48
Next: 6.50
Up: 6

Linked texts (1)

Dvādaśāranayacakra — Mallavādin, Sanskrit