Dvadasharanayacakra 7.104

Nyāyāgamānusāriṇī 7.104

Language: Sanskrit

7.104

itara āha --nanu khapuṣpavadanekāntaḥ . prāgutpatterasat kāryamabhūtakriyāguṇavyapadeśatvāt khapuṣpavat syāt, upajātamātradravyādivat sat syāt ? iti tvatsādhanamapi saṃśayakārīti cet . etacca na, prāgviśeṣaṇāpakṣiptaprasaṅgatvāt . syādayaṃ prasaṅgo yadyaviśeṣya kriyāguṇavyapadeśābhāvāt sat kāryam ityetāvad brūyām, kiṃ tarhi ? prāgabhūtakriyāguṇavyapadeśatvāt iti mayā viśeṣyoktam, yasya prāgabhūtaḥ kriyāguṇavyapadeśaḥ paścād bhaviṣyati tat sadeva, yathā tadevotpannamātradravyādi, na tu yasya prāk paścāt iti kālāvibhāgenaivāsattvaṃ khapuṣpāderiti . ataḥ prāgviśeṣaṇādapakṣipto'naikāntikatvaprasaṅgo'sya hetoriti .

Previous: 7.103
Next: 7.105
Up: 7

Linked texts (1)

Dvādaśāranayacakra — Mallavādin, Sanskrit