Dvadasharanayacakra 7.108

7.108

yadi tu sadeva kāryaṃ syāt tatrāpi sa eva doṣa ityata āha --yasya tu vidyamāna evārtha ityādi gatārthaṃ yāvadeteṣāmarthānāmabhāvādabhidhānamātraprasaṅgaḥ niṣpādyaniṣpādakatvāviśeṣāditi . niṣpādyo tasmādaikāntikapakṣayorayuktatvād yuktametat prāk sadasadeva prādurbhavatīti . yadapi coktam--vikalpatrayānāśrayād vikalpāntarāśrayaṇācca vikalpānupapatteḥ iti na doṣaḥ, niṣṭhāsambandhayorekakālatvāt . niṣṭhā kāraṇasāmagryavyāpāra- ghaṭaḥ, niṣpādakāḥ kulāladaṇḍādayaḥ, kulālamṛddaṇḍādyastitvavad ghaṭāstitvāt kiṃ daṇḍādinā hetunā kriyate, na vā turyādinā ? mṛda eva mārdavādiśaktirna vajrādeḥ, mṛdevopādānaṃ ghaṭasyāniṣpannatvāt na tu niṣpannaghaṭa iti viśeṣo nāsti, sattvāviśeṣāt . iti prasaṅgaparisamāptyarthaḥ, tadupasaṃharati --ataścāyuktaṃ satkāryatvameveti . tataḥ kimāyātam ? idamāyātam--asatkāryāyuktatvavat satkāryatvamapyaikāntikaṃ na yuktam .