Dvadasharanayacakra 7.107

Nyāyāgamānusāriṇī 7.107

Language: Sanskrit

7.107

tasmāt sadasata eva kriyāguṇāḥ, tadbhāvāt sadasatkriyāguṇatvāt sadasata eva kriyā-guṇavyapadeśāḥ . anyathā hetuśaktyupādānānāmabhidhānamātraprasaṅgaḥ, yadyasadeva kāryaṃ syāt hetordaṇḍādeḥ mardanādiyogyatāyāḥ śakterupādānasya ca mṛdaḥ, ghaṭādau mṛdevopādīyate na tantvādiriti, eṣāṃ kharaviṣāṇādivadabhāve ayamasya daṇḍādihetuḥ, iyamasya śaktirmārdavādirmṛddravyasya, mṛdeva ghaṭasyopādānam iti vacanamātramevedaṃ sarvaṃ syāt, nārthaḥ kaścit, khapuṣpādiniṣpattyarthakriyāhetvādyabhāvavadasattvāviśeṣāt .

Previous: 7.106
Next: 7.108
Up: 7

Linked texts (1)

Dvādaśāranayacakra — Mallavādin, Sanskrit