Dvadasharanayacakra 7.138

Nyāyāgamānusāriṇī 7.138

Language: Sanskrit

7.138

āha --manuṣyasiṃhatvādivat tathāñjasā'nupapatterneti cet, yathā śauryakrauryādidharmāḥ siṃhe mukhyāḥ siddhāḥ santo manuṣye śakyā upacarituṃ nāsiddhāstathā dravyādiṣūpacaritau syātāṃ yadyanyatrāñjasā siddhau sadabhidhānapratyayau, na tu tau kvacit siddhau, bhāktavyavahāraśca āñjasādṛte nāsti, tasmād dravyādiṣveva mukhyāviti evaṃ cenmanyase tataste svapakṣa eva doṣavidhānam . tad bhāvayati --yadi tvityādi, sattādiṣvapyāñjasayorasiddhatvāditi bhāvārthaḥ . etat punaḥ sa eva praṣṭavya iti, svabhāvasattāpekṣau sadabhidhānapratyayāvicchatāṃ kiṃ naḥ sattāsambandhakalpanayā ? tava punaḥ sattāsambandhādicchato duṣpratipādaṃ bhāvasattāvyatiriktatādātmyavādinaḥ, tasmāt tvamevāsi praṣṭavya iti .

Previous: 7.137
Next: 7.139
Up: 7

Linked texts (1)

Dvādaśāranayacakra — Mallavādin, Sanskrit