Dvadasharanayacakra 7.140

7.140

yataścaivamityādi, yasmāt svata eva sattā dravyādīnāṃ yuktā tasmāt sato bhāvaḥ satteti yā śabdavyutpattirbhedaṣaṣṭhyāpādanārthā sā dravyādyavyatiriktasattārthaiva jñāyate satāṃ bhāvaḥ satteti . kiṃ kāra- kartari ṣaṣṭhīvṛtteḥ . yat tat sadbhirbhūyate... ... ...sadityabhidhānapratyayakāraṇaṃ sarvatra . ata idamapi apratyayodgrāham--... ... ...svataḥ sattvamityetadayuktam . atra hi sattādivat iti tvadanuvṛttyocyate . na mama sattā dravyādivyatiriktā kācidasti . tato dravyādīnāmakāraṇatvādidoṣaprasaṅgāt kuto'nupapannatā mamātra nipatitā ? mama tu dravyādīnāmekatvānnānupapannam . kartṛṇā'kartṛṇā vā kārakeṇa yo bhavati sa eva bhāvaḥ sāmānyam, sa eva viśeṣo'nyabhavananirapekṣaḥ kartā bhavadbhavanāt, tadeva dravyaṃ guṇaḥ, sa eva kriyā, sa eva viśeṣo bhāvāntarād viśiṣyamāṇatvāt, vakṣyamāṇavacca sa eva samavāyaḥ . evameva sambandhābhāvaḥ pratyākhyātaḥ sahāsattvena . nāsaṃyogaḥ, nāsamavāyaḥ . tābhyāṃ ṇam ? kartari ṣaṣṭhīvṛtteḥ . tadvyākhyānam --yat tat sadbhirityādi gatārthaṃ yāvat sadityabhidhānapratyayakāraṇaṃ sarvatreti .