Dvadasharanayacakra 7.143

Nyāyāgamānusāriṇī 7.143

Language: Sanskrit

7.143

athavetyādi . akāraṇanityāsambandhājātīni dravyādīni svataḥ sattvāduktāt sāmānyādivat . kāraṇādi ceti, kāraṇānityasambandhajātimattvāni sāmānyaviśeṣasamavāyānām, svataḥ sattvāt dravyādivat svasatsattvādityarthaḥ . tadātmatvāt, yad yadātma tat svataḥ sat sattādivadityuktam . ubhayamiti kāraṇākāraṇanityānityasambandhāsambandhajātimadajātimattvāni dravyādīnāṃ sāmānyādīnāṃ ca sarvasya vastutvād dvyātmakatvaṃ bhavatyevetaretararūpaikabhavanāviśeṣāt .

Previous: 7.142
Next: 7.144
Up: 7

Linked texts (1)

Dvādaśāranayacakra — Mallavādin, Sanskrit