Dvadasharanayacakra 7.166

Nyāyāgamānusāriṇī 7.166

Language: Sanskrit

7.166

evaṃ dravyakṣetretyādi yāvat sadasattvamiti . dravyato ghaṭo bhavannātmānuvṛttyā paṭādivyāvṛttyā ghaṭāntaravyāvṛttyā ca bhāvābhāvātmabhyāṃ bhavati . kṣetrato gṛhe ghaṭo na bahirna maṃnaya ? iti svakṣetre bhavan parakṣetre kṣetrāntare cābhavan bhavati . kālato vartamāne kāle bhavannatītānāgatayoḥ kālāntarayorabhavan śivakastūpakādibhiḥ pūrvairuttaraiśca kapālādibhirabhavan śivakāvasthāyāmeva vā piṇḍastūpakābhyāṃ pūrvottarābhyāmabhavan śivakatvena bhavan bhavati ityucyate . athavā bhāvataḥ śivakādibhirākārairdharmairvartamānairyurayu ?gapadbhāvibhiryugapadbhāvibhiśca rūparasādibhirbhavan bhāvāntarairupayogādibhiścābhavan bhavatīti sadasattvam, evaṃ sarvabhāvānāṃ bhāvā-'bhāvātmakatvam .

Previous: 7.165
Next: 7.167
Up: 7

Linked texts (1)

Dvādaśāranayacakra — Mallavādin, Sanskrit